Skip Content

Tē taea te wetewete e Tiare Teinakore te ao matauranga me te ao kapahaka.


Koia tētahi o ngā kaiako o te hōtaka He Korowai Ākonga (Primary Teaching), he tohu paetahi ki Te Wānanga o Aotearoa hei whakangungu tāngata hei kaiako ki ngā kura tuatahi whakaako ai, ka mutu he kaitātaki wahine hoki nō te rōpu kapahaka nō Te Iti Kahurangi.


“E kore e taea te wehe, ahau me te ao haka, he kotahi,” hai tā Tiare.


E mau ana tēnei tuawahine nō Ngāti Hauā me Aitutaki i tērā korowai ahakoa he aha rā āna mahi tae rawa atu ki tōna akomanga.


“Ko taku waimarie ko ngā wheakotanga, o te ao haka, ko ngā tikanga, ko te reo kei te kaha whakamarumaru i a au, ko taku whakapono kei te kaha whakamarumaru i a au e whakaako ana i āku tauira.”


“He nui ngā wheakotanga ka toia mai i te ao kapa haka, ka toia mai i te ao mātauranga, e rua, e rua.”


Ka puea ake te whakaaro kia haere atu a Tiare ki te kura tuatahi whakaako ai i a ia e tamawahine ana, nā kona ka peke atu ki Te Whare Wānanga o Waikato ki te rapu i ōna tohu whakaako, nā wai, nā wai i kotahi atu ia ki te mura o te ahi.


I a ia e whakaako ana i te kura tuatahi i kitea e ia ētahi āhuatanga ka pai ake pea mēnā ka toro atu ōna pūkenga ki te whakaako i ngā kaiako mā reira horapa ai ōna tāonga ki ngā kura tuatahi, ki ngā whaituā, ki ngā tamariki huri noa.


“Tēnei mea te whakaako he tino manawanui ki au, he tino ngākau nui ki a au, ahakoa he aha te kaupapa i runga i te mohio kē he hononga kei roto i ēnei mahi.  Ka taea e koe tētehi tangata te tino morimori te poipoi i ēnei mahi ka taea e au te ako mai i a rātau.”


Ko te tū tuawhitu tēnei a Tiare i Te Matatini e haere ake nei. I eke panuku ia hei manukura wahine o te motu i te tau 2013, kei te anga atu tōna kanohi ki te Kahu o te Amorangi ki Ngāti Kahungunu.  


“Ko tētehi o ngā kaupapa ko te taukaea o te whanaungatanga ki a Ngāti Kahungunu, te Kāhui Ariki, te Kīngitanga, i te mea i mutunga o te rā ahakoa he aha te kaupapa kei te haere hei kanohi mō te Kīngi me te whare kāhui ariki.”


 Back to news & events

Published On: Feb 23, 2017

Article By:



Other Articles

  • 22 October 2025

    From the bush to a PhD - Fabian's journey of faith, family, and learning

    Fabian C Mika’s journey from the ngahere of Rūātoki to earning a PhD is a powerful story of faith, whānau, and mātauranga Māori. Discover how his passion for Ringatū, te reo Māori, and education led to academic success and a legacy of learning for future generations.

  • 20 October 2025

    Mahi toi exhibitions 2025

    From raranga to whakairo, Te Wānanga o Aotearoa toi tauira are showcasing their mahi toi in free exhibitions across Aotearoa from September to November 2025. Discover stunning works of Māori art and creativity, and celebrate the journey of tauira from certificate to degree level.

  • 15 October 2025

    Building a beauty brand through education and drive

    At just 21, Maata Morrell-Dzilic is building a thriving beauty brand with the support of business education from Te Wānanga o Aotearoa. Discover how her passion, determination, and study in small business and project management are fuelling her entrepreneurial success.

  • 08 October 2025

    From paddling to politics: a journey for reo, rights and representation

    Bevan O’Connor’s journey from waka ama to the political stage is powered by his passion for te reo Māori and Māori rights. Discover how his studies at Te Wānanga o Aotearoa and deep connection to te ao Māori are shaping his campaign for the Takitimu Māori Ward.